Għaqdiet Volontarji għandhom l-opportunità biex japplikaw għal skema maħruġa mid-Direttorat għall-Iżvilupp Sostenibbli u l-Kunsill Malti għas-Settur tal-Volontarjat. Din l-iskema se ssir b’investiment ta’ €50,000 sabiex tgħin l-għaqdiet jimplimentaw proġetti jew inizjattivi tanġibli relatati mal-promozzjoni tal-iżvilupp sostenibbli.

Il-Ministru għall-Ambjent, l-Enerġija u l-Intrapriża Miriam Dalli ħabbret skema ta’ €800,000 sabiex il-kunsilli lokali jwettqu proġetti ta’ żvilupp sostenibbli fil-komunità.

Il-Ministeru għall-Ambjent, Enerġija u Intrapriża jirrikonoxxi l-importanza tas-soċjetà ċivili u ta’ atturi oħrajn fil-komunità, kif ukoll tas-settur privat, fir-rwol u l-attiviżmu tagħhom lejn is-sostenibbiltà, u għalhekk qiegħed jistenna bil-ħerqa li juri x-xogħol tiegħek u kwalunkwe inizjattiva meħuda f’dan ir-rigward.

Għandek idea ta’ proġett sostenibbli jew innovattiv? Tixtieq tara l-idea tiegħek issir realtà?