Is-Sustainable
Baby Box

Permezz tal-inizjattiva tas-Sustainable Development Baby Box, kull tarbija li titwieled tirċievi starter kit maħsub biex jgħin lill-ġenituri/kustodji biex jadottaw prattiki aktar favur l-ambjent sa mill-ewwel stadji tal-ħajja tat-tfal. Il-kaxxa tinkludi prodotti sikuri u u favur l-ambjent li jippromwovu l-użu ta’ alternattivi riutilizzabbli minflok oġġetti li jintużaw darba biss u jintremew. L-għan tagħha huwa li theġġeġ il-kunċett tas-sostenibbiltà minn età bikrija ħafna filwaqt li jżid l-għarfien dwar għażliet aktar ekoloġiċi għall-kura tat-trabi. Barra minn hekk, tinkludi wkoll sett ta’ kotba adattati għall-età biex jinkoraġġixxu l-qari sa minn età bikrija.

Mill-bidu tal-proġett, sa tmiem l-2025, tqassmu aktar minn 17,000 Sustainable Development Baby Boxes lill-ġenituri u l-kustodji madwar Malta u Għawdex.

Billi tippromwovi l-użu ta’ prodotti sostenibbli, l-inizjattiva tgħin tnaqqas l-iskart, tappoġġja negozji ekoloġiċi, u żżid il-valur tal-oġġetti u s-servizzi ambjentali. B’hekk, tikkontribwixxi għall-progress f’ħames Għanijiet ta’ Żvilupp Sostenibbli: l-SDG 4 (Edukazzjoni ta’ Kwalità), l-SDG 8 (Xogħol Deċenti u Tkabbir Ekonomiku), l-SDG 10 (Tnaqqis tal-Inugwaljanzi), l-SDG 12 (Konsum u Produzzjoni Responsabbli), u l-SDG 13 (Azzjoni għall-Klima).