Premju għall-
Jenfasizza sforzi ffukati fuq il-protezzjoni u l-preservazzjoni tal-ambjent naturali. L-applikanti taħt din il-kategorija jistgħu jikkunsidraw:
- Sforzi biex jiġu kkonservati u rriabilitati ħabitats endemiċi inklużi ħabitats marini, kostali u terrestri.
- Sforzi biex jużaw b’mod effiċjenti r-riżorsi disponibbli u jevitaw konsum eċċessiv u ħela.
- Sforzi biex jintroduċu enerġija naturali u nadifa permezz ta’ teknoloġiji innovattivi.
- Sforzi biex jinvolvu lin-nies lokali biex ikomplu jipparteċipaw fi prattiċi ekoloġiċi u sostenibbli.
- Sforzi biex jiżguraw benesseri b’saħħtu għal kulħadd permezz ta’ agrikoltura sostenibbli u ilma nadif.
- Sforzi biex jintroduċu programmi li jedukaw liċ-ċittadini dwar l-importanza ta’ inizjattivi ekoloġiċi.
- Kwalunkwe sforz jew azzjoni oħra b’impatt li tiffoka fuq il-konservazzjoni tal-ekosistemi u l-promozzjoni tas-sostenibbiltà ambjentali.
Kriterji Speċifiċi tal-Eliġibbiltà
Dan il-premju japplika speċifikament għal partijiet interessati li huma:
- Organizzazzjonijiet Volontarji rreġistrati mal-Uffiċċju tal-Kummissarju għall-Organizzazzjonijiet Volontarji
- Individwi
Is-sottomissjonijiet għandhom jirrigwardaw proġett wieħed jew inizjattiva waħda, definita b’mod ċar, li ġew implimentati mill-applikant. Il-proġett sottomess jista’ jinkludi diversi attivitajiet, azzjonijiet jew avvenimenti, sakemm dawn ikunu ġew imwettqa bħala parti mill-istess proġett ġenerali u taħt titlu jew għan wieħed. L-applikazzjonijiet ma jistgħux jikkonsistu f’ġabra, sommarju jew portafoll ta’ proġetti mhux relatati jew tax-xogħol kollu mwettaq mill-applikant matul il-perjodu eliġibbli. Fejn applikant ikun wettaq diversi inizjattivi distinti, għandu jintgħażel u jiġi sottomess proġett speċifiku wieħed.
Premjijiet
Dawk li jiġu fl-ewwel post se jingħataw premju monetarju ta’ €2,000 u trofew. Dawk li jiġu fit-tieni u fit-tielet post se jingħataw tifkira kommemorattiva.
Sponsorjat minn:
Awtorità għall‑Ambjent u r‑Riżorsi
Kriterji tal-Evalwazzjoni
1. IMPATT (60%)
Impatt ta’ suċċess jinkludi riżultati li jistgħu jitkejlu fit-tibdil tal-imġiba tan-nies u l-perċezzjonijiet pubbliċi u/jew fl-influwenzar tal-politiki pubbliċi u/jew tal-allokazzjonijiet baġitarji biex jitħaffu l-Għanijiet ta’ Żvilupp Sostenibbli tan-Nazzjonijiet Uniti (SDGs) u l-Istrateġiji ta’ Malta għall-Iżvilupp Sostenibbli. Impatt ta’ suċċess jindika wkoll titjib sinifikanti fil-kundizzjonijiet soċjali, ekonomiċi u ambjentali, inkluż l-ugwaljanza bejn il-ġeneri, is-saħħa, l-iżvilupp tal-kapaċità, l-inklużjoni, l-istabbiltà ekonomika, is-sigurtà tal-ikel, l-adattament u/jew il-mitigazzjoni tal-klima, il-protezzjoni ambjentali u/jew il-paċi.
2. NOVITÀ/INNOVAZZJONI TAL-APPROĊĊ (15%)
Kemm hu innovattiv dan il-proġett/din l-inizjattiva? Kif jibni fuq idea innovattiva dan il-proġett/din l-inizjattiva?
3. SKALABBILTÀ/REPLIKABBILTÀ (15%)
Dan il-proġett/inizzjattiva kif għandu l-potenzjal li jiġi estiż u/jew replikat f’kuntesti oħra biex iħaffef il-kisba tal-Għanijiet ta’ Żvilupp Sostenibbli tan-Nazzjonijiet Uniti (SDGs) u l-Istrateġiji ta’ Malta għall-Iżvilupp Sostenibbli? Diġà ġie estiż u/jew replikat?
4. VOT PUBBLIKU (10%)
Kull nominazzjoni magħżula fil-lista finali titpoġġa fuq il-midja soċjali u l-pubbliku jivvota għall-premju li jemmen li jistħoqqlu jirbaħ.
