Il-Jiem ta’ Azzjoni
għall-Iżvilupp Sostenibbli ta’ Malta

Il-Jiem ta’ Azzjoni għall-Iżvilupp Sostenibbli ta’ Malta jiffurmaw parti mill-Ġimgħa Ewropea għall-Iżvilupp Sostenibbli (ESDW), inizjattiva mifruxa mal-Ewropa kollha li turi avvenimenti, attivitajiet u proġetti ddedikati għall-promozzjoni tal-iżvilupp sostenibbli. L-ESDW tlaqqa’ flimkien organizzazzjonijiet, istituzzjonijiet u ċittadini madwar l-Ewropa biex tqajjem għarfien pubbliku dwar l-iżvilupp sostenibbli u l-Għanijiet ta’ Żvilupp Sostenibbli (SDGs), filwaqt li tħeġġeġ involviment attiv u azzjoni kollettiva.

L-ESDW tappoġġja l-Aġenda 2030 billi tistimula azzjonijiet imsejsa lokalment li jinvolvu direttament l-SDGs. B’hekk, tfittex li tqajjem għarfien dwar l-Aġenda 2030 madwar l-Ewropa u timmobilizza partijiet interessati lokali biex javvanzaw b’mod attiv l-iżvilupp sostenibbli b’mod ġenerali, u l-SDGs b’mod partikolari. L-ESDW issir kull sena bejn it-18 ta’ Settembru u t-8 t’Ottubru, bil-ġimgħa ewlenija taqa’ bejn l-20 u s-26 ta’ Settembru. L-avvenimenti jistgħu jvarjaw minn sena għal oħra hekk kif l-Istati Membri huma mħeġġa jenfasizzaw l-SDGs taħt reviżjoni fil-UN High-Level Political Forum ta’ dik is-sena.